Flóð verða oftast vegna mikils regns, en það er þó ekki eina orsökin því vindar sem hækka vatnsmálið orsaka einnig mikil flóð.
Stærsta flóð sem hefur orðið var í Kína árið 1931. Það hófst snemma um veturinn þegar það snjóaði mikið, svo þegar það fór að þiðna og rigna þá hækkuðu fljótin. Það rigndi enn meir í júlí og ágúst. Þetta er talið vera mannskæðasta náttúruhamförin sem vitað er um, en þá dóu 2,5-3,7 milljónir manns.
Flóðið í Colorado, gerðist 9. september 2013, 8 manns dóu en 6 týndust. Fyrst varð mjög kalt en seinna mætti kuldinn hitanum og rakanum sem kom frá suðurríkjunum sem orsakaði óvenjulega mikilli rigningu. Ástandið var verst í Boulder County en þar náði vatnið upp í allt að 231-430mm.
Miklar rigningar austur af Afríku hafa valdið gífurlegum flóðum í Malaví í janúar 2015. Yfir 200 manns hafa látið lífið eða eru týnd og um 120.000 manns hafa þurft að yfirgefa heimili sín vegna flóða. Þá hafa 350 skólar eyðilagst, sem veldur því að yfir 300.000 börn ganga ekki í skóla. UNICEF senti 90 tonn af hjálpargögnum til Malaví: lyf, neyðartjöld, vítamínbætta fæðu, hreinlætisvörur og vatnshreinsitöflur eru meðal þess sem var sent til Malaví. Þau héruð sem hafa orðið verst úti eru Nsanje, Chikwaka og Phalombe. Malaví er eitt fátækasta land í suðurhluta Afríku.
Náttúruhamfarir
Við lok grunnskólans vinna nemendur 10.bekkjar í Breiðholtsskóla víðamikið rannsóknarverkefni og í ár er þemað vatn. Í verkefninu er efnið skoðað frá ólíkum sjónarhornum. Verkefnið er þverfaglegt og byggist á öflun upplýsinga, úrvinnslu og skilum á fjölbreyttu formi.
Við völdum þetta viðfangsefni (náttúruhamfarir) af því að okkur finnst það virkilega áhugavert og fræðandi efni.
Rannsóknarspurningin okkar var: Hvað er flóð og hvað gerist eftir flóð?
Svar við þessari spurningu er á síðunni okkar um flóð.